Արմավիրում բողոքի ակցիան ավարտվել է, սակայն փոխհատուցման հարցը դեռ բաց է

Արմավիրի մարզի մի քանի գյուղերի բնակիչներ փակել են Վարդանաշեն գյուղի մոտակայքով անցնող ճանապարհը՝ կառավարությունից պահանջելով ներկայացնել ուժեղ քամու և կարկտահարության պատճառած վնասի փոխհատուցման ծրագիր։

Մի քանի գյուղերի բնակիչներ Արմավիրում փակել են Վարդանաշեն գյուղի մոտ գտնվող ճանապարհահատվածը։ Նրանք գործադիրից պահանջում են ներկայացնել կարկտահարության ու հզոր քամու հետևանքով հասցված վնասների փոխհատուցման համապատասխան ծրագիր։

Երասխահունի գյուղապետ Նարեկ Փանոսյանը ArmeniaSputnik-ի հետ ունեցած զրույցում հաստատել է, որ հուլիսի 6-ին տեղացած ուժեղ կարկուտը զգալիորեն վնասել է բերքը։ Այդուհանդերձ, ըստ նրա փոխանցած տեղեկության, իրենց համայնքի գյուղացիները բողոքի գործողություններ չեն իրականացնում, այլ սպասում են հասցված վնասի գույքագրման աշխատանքներին։

ՆԳՆ-ից հայտնել են, որ ճանապարհը իսկապես փակ է եղել, սակայն տվյալ պահին երթևեկությունն ամբողջությամբ վերականգնված է։ Մեծամորի խոշորացված համայնքից էլ տեղեկացրել են, որ բնակիչների հետ հանդիպում է կայացել, բայց որևէ արդյունքներ դեռևս չկան։