Հայտնի է՝ «Մեր ձևով» շարժման հանրահավաքի մասնակիցների թիվը
Այսօր Երևանի Ազատության հրապարակում ժամը 16:30-ից մեկնարկել էր հանրահավաք` ի աջակցություն կալանավորված ռուսաստանահայ գործարար Սամվել Կարապետյանի:
«Իրազեկ քաղաքացիների միավորումն» աերոնկարահանման միջոցով իրականացրել է հանրահավաքի մասնակիցների հաշվարկ, որի արդյունքում պարզվել է, որ 18:05-ի դրությամբ Ազատության հրապարակում և հարակից տարածքներում գտնվել է շուրջ 7450 մարդ:
Ավելի վաղ հայտնել էինք, որ Սամվել Կարապետյանը պատրաստ է ստանձնել «Մեր ձևով» կուսակցության ղեկավարի պաշտոնը։ Սամվել Կարապետյանի եղբորորդի Նարեկ Կարապետյանը հանրահավաքի ժամանակ հանդես էր եկել մի շարք հայտարարություններով․ նա իր խոսքում մասնավորապես նշել էր, որ ՔՊ-ի մոտ երկու բան է ստացում՝ ասֆալտ անել ու ասֆալտին փռել։
