Tik Tok-ում գովազդներ են լցվել, որոնք հորդորում են սննակության միջոցով «ազատվել» հարկային ու վարկային պարտավորություններից

Ֆեյսբուքյան օգտատերը Տիգրան Քեյանը գրառում է արել նշելով, թե ինչ գովազդներ են տարածվել Tik Tok-յան հարթակում.

«Վերջերս Tik Tok-ում իրավաբանների և փաստաբանների գովազդներ են լցվել, որոնք քաղաքացիներին հորդորում են սննակության միջոցով «ազատվել» հարկային ու վարկային պարտավորություններից։ Սա արդեն դառնում է մի տեսակ նոր բիզնես՝ մարդկանց հույս տալու հաշվին։ Բայց հարց է առաջանում՝ միթե իրավիճակն արդեն այնքան լուրջ է, որ նման գովազդներն աշխատում են, որովհետև շատերն իրականում այլ ելք չեն տեսնում։

Եթե քաղաքացիների զգալի մասը մտածում է սննակության մասին, դա արդեն միայն իրավական կամ բանկային խնդիր չէ - դա տնտեսական տագնապի ազդակ է։

Այստեղ լռել չեն կարող ոչ միայն բանկերը, այլ առաջին հերթին՝ Էկոնոմիկայի և Ֆինանսների նախարարությունները։

Ժամանակն է, որ պետությունն անկեղծ գնահատի իրավիճակը և քայլեր անի՝ մարդկանց պարտքային ճնշումից դուրս բերելու, հարկային բեռը մեղմելու, իսկ բիզնեսին ու քաղաքացիներին իրական աջակցություն տրամադրելու ուղղությամբ։

Հակառակ դեպքում սննակությունը կդառնա ոչ թե իրավական գործիք, այլ սոցիալական երևույթ»,- գրել է նա: