ՏԵՍԱՆՅՈՒԹ. Չերչեսովի լկտի քայլը Սպերցյանի նկատմամբ
«Ախմատի» դեմ խաղում տեղի ունեցած միջադեպից 3 րոպե անց Էդուարդը փոխարինվեց, որից հետո մոտենում է, որ սեղմի Չերչեսովի ձեռքը, իսկ մնացածը արդեն տեսեք ինքներդ: Այս մասին Ֆեյսբուքյան իր էջում գրել է մարզական մեկնաբան և ինսայդեր Սուրեն Մելիքսեթյանը, հրապարակելով նաև այդ դրվագի տեսագրությունը:
Հիշեցնենք՝ Ռուսաստանի Պրեմիեր լիգայի (ՌՊԼ) 11-րդ տուրի «Կրասնոդար»-«Ախմատ» հանդիպման ժամանակ տեղի է ունեցել միջադեպ «Կրասնոդարի» կիսապաշտպան Էդուարդ Սպերցյանի և «Ախմատի» պաշտպան Ուսման Նդոնգի միջև:
«Կրասնոդարի» պաշտպան Ժուբալը «Матч ТВ»-ի հետ զրույցում հայտնել էր, որ թիմի ավագ Էդուարդ Սպերցյանը «Ախմատի» ֆուտբոլիստ Ուսման Նդոնգի հասցեին ռասիստական արտահայտություններ չի արել։
Հայաստանի ազգային հավաքականի և «Կրասնոդարի» կիսապաշտպան Էդուարդ Սպերցյանը կարող էր որակազրկվել 10 խաղով։ Այս մասին էլ հայտնել էր ArmSport.am-ը՝ հղում անելով Sport24-ին։
