Սպերցյանը վատ բան չէր կարող ասել․ «Կրասնոդարի» պաշտպան

«Կրասնոդարի» պաշտպան Ժուբալը «Матч ТВ»-ի հետ զրույցում հայտնել է, որ թիմի ավագ Էդուարդ Սպերցյանը «Ախմատի» ֆուտբոլիստ Ուսման Նդոնգի հասցեին ռասիստական արտահայտություններ չի արել։ 

«Պատրաստ էի կանգնել թիմիս կողքին։ Այն, ինչ տեղի ունեցավ, անհարմար իրավիճակ էր։ Էդուարդը լավ ավագ է, վստահ եմ՝ նա ոչ մի վատ արտահայտություն չի արել մրցակցի ֆուտբոլիստի հասցեին»,-ասել է Ժուբալը։

Հիշեցնենք՝ ավելի վաղ հայտնել էինք, որ Ռուսաստանի Պրեմիեր լիգայի (ՌՊԼ) 11-րդ տուրի «Կրասնոդար»-«Ախմատ» հանդիպման ժամանակ տեղի է ունեցել միջադեպ «Կրասնոդարի» կիսապաշտպան Էդուարդ Սպերցյանի և «Ախմատի» պաշտպան Ուսման Նդոնգի միջև: