Վենսուելայում արտակարգ դրություն է․ զորք կմոբիլիզացնեն, եթե ԱՄՆ-ն հարձակվի

Վենեսուելայի նախագահ Նիկոլաս Մադուրոն հրամանագիր է ստորագրել, որով երկրում արտակարգ դրություն է հայտարարվում ԱՄՆ-ի կողմից զինված հարձակման դեպքում։ Այս մասին հայտարարել է Վենեսուելայի գործադիր փոխնախագահ Դելսի Ռոդրիգեսը՝ Ազգային ինքնիշխանության և խաղաղության խորհրդի նիստում։

Նրա  խոսքով՝ արտակարգ դրության մասին հրամանագիրը նպատակ ունի պաշտպանել Բոլիվարյան Հանրապետության տարածքային ամբողջականությունը, ինքնիշխանությունը, անկախությունը և կենսականորեն կարևոր ռազմավարական շահերը: Փաստաթուղթը ուժի մեջ կմտնի անմիջապես ԱՄՆ ուժերի կողմից Վենեսուելայի վրա հարձակման դեպքում:

Հրամանագիրը Մադուրոյին հատուկ լիազորություններ է տալիս զորք մոբիլիզացնելու՝ ենթակառուցվածքների, հանրային ծառայությունների, նավթի և գազի, ինչպես նաև այլ ոլորտների նկատմամբ ռազմական վերահսկողությունը անհապաղ ստանձնելու համար։

Ռոդրիգեսը շեշտել է, որ Վաշինգտոնը ձգտում է զավթել Վենեսուելայի բնական պաշարները, առաջին հերթին՝ աշխարհի ամենամեծ նավթային պաշարները: Նրա խոսքով՝ աշխարհի խոշորագույն նավթ արտադրող երկրների մեծ մասը ենթարկվում է Միացյալ Նահանգների կողմից միակողմանի հարկադրանքի միջոցառումների: