Բելգիան միլիոնավոր եվրոներ է հատկացնում Ուկրաինային. հայտնի է նպատակը
Բելգիան Ուկրաինային 9 մլն եվրո լրացուցիչ օգնություն կհատկացնի վնասված էներգետիկ ենթակառուցվածքի վերանորոգման համար, հայտնել է զարգացման համար համագործակցության բելգիական նախարար Կարոլին Ժեննեն: «Ուկրաինայի էներգետիկ ենթակառուցվածքը խարխուլ է եւ չափազանց կենտրոնացված, ինչն այն շատ խոցելի է դարձնում», - ասել է նախարարը, որի խոսքը մեջբերում Է RTBF հեռուստաալիքը:
Այդ 9 մլն եվրոն կուղղվի ՄԱԿ-ի Զարգացման ծրագրի միջոցով, որը կազմակերպել է համակարգ, որը թույլ է տալիս արագ պահեստամասեր գնել և նոր սարքավորումներ մատակարարել վնասված կամ ավերված ենթակառուցվածքների վերանորոգման համար: Ընդ որում, ՄԱԶԾ-ն «շեշտը դնում է էներգիայի կայուն եւ ապակենտրոնացված աղբյուրների վրա», պարզաբանել է Ժեննեն։
Նրա խոսքով՝ «ռազմական օգնության հետ մեկտեղ այդ աջակցությունը կնպաստի Ուկրաինայի կայունության ամրապնդմանը»:
