Իտալիայում ձերբակալվել է «Հյուսիսային հոսքերի» պայթյունների մեջ կասկածվող ուկրաինացին

Իտալիայում ձերբակալվել է Ուկրաինայի քաղաքացի՝ «Հյուսիսային հոսք» և «Հյուսիսային հոսք 2» խողովակաշարերի պայթյուններին մասնակցելու կասկածանքով։ Այս մասին ասվում է Գերմանիայի գլխավոր դատախազության հայտարարության մեջ։

Դատախազությունը հայտարարել է. «2025 թվականի օգոստոսի 21-ի գիշերը, Դաշնային դատարանի քննիչ դատավորի կողմից 2025 թվականի օգոստոսի 18-ին տրված եվրոպական ձերբակալման օրդերի հիման վրա, Ուկրաինայի քաղաքացի Սերգեյ Կ.-ն ձերբակալվել է Ռիմինի նահանգում։ Տղամարդը «կասկածվում է պայթյուններ կազմակերպելու և հակասահմանադրական դիվերսիաներ կազմակերպելու հանցակցության մեջ», - ասվում է հայտարարության մեջ։

Գերմանիայի դատախազությունը պնդում է, որ «Սերգեյ Կ.-ն այն մարդկանց խմբի անդամ էր, ովքեր 2022 թվականի սեպտեմբերին Բորնհոլմ կղզու տարածքում պայթուցիկ սարքեր են տեղադրել «Հյուսիսային հոսք» և «Հյուսիսային հոսք 2» գազատարների վրա»։

«Ձերբակալվածը, ենթադրաբար, գործողության համակարգողներից մեկն էր։ Նա և իր հանցակիցները որպես տրանսպորտային միջոց օգտագործել են Ռոստոկից մեկնած առագաստանավը», - նշել է գերատեսչությունը։

Նավը, ինչպես նշել է դատախազությունը, նախկինում վարձակալվել էր գերմանական ընկերությունից՝ միջնորդների միջոցով՝ կեղծ փաստաթղթեր օգտագործելով։

«Դեպքը տեղի է ունոցել 2022 թվականի սեպտեմբերի 26-ին։ Պայթյունների հետևանքով երկու գազատարներն էլ լուրջ վնասվել են», - ամփոփել է Գերմանիայի դատախազությունը։