Փեզեշքիանն Ալիևին հորդորել է հետաքննել Ադրբեջանի տարածքի օգտագործման մասին լուրերը
Իրանի նախագահ Մասուդ Փեզեշքիանի և Ադրբեջանի նախագահ Իլհամ Ալիևի հեռախոսազրույցում բարձրացվել է նաև Իրանի վրա հարձակվելու համար Ադրբեջանի օդային տարածքն օգտագործելու հարցը։
Փեզեշքիանը շեշտել է սիոնիստական ռեժիմի անօդաչու թռչող սարքերի՝ Ադրբեջանի օդային տարածքից Իրան մուտք գործելու մասին հաղորդագրությունների հետաքննության անհրաժեշտությունը:
Ալիևը հայտարարել է.
«Ադրբեջանի կառավարությունը ոչ մի դեպքում թույլ չի տա, որ իր օդային տարածքը օգտագործվի բարեկամական և եղբայրական Իրանի դեմ»։
