Թեհրանը կարձագանքի միջուկային օբյեկտների հարվածներին. Փեզեշքիան
Ֆրանսիայի նախագահ Էմանուել Մակրոնը հեռախոսազրույց է ունեցել իր իրանցի գործընկեր Մասուդ Փեզեշքիանի հետ:
Նա Փեզեշքիանի հետ իր հեռախոսազրույցում կոչ է արել «լառավելագույն զսպվածություն ցուցաբերել՝ դիվանագիտության ուղուն վերադառնալու համար»։
Փեզեշքիանն ասել է, որ Թեհրանը կարձագանքի միջուկային օբյեկտների վրա ամերիկյան հարվածներին: Նա ընդգծել է, որ բանակցությունների սեղանի շուրջ ԱՄՆ այլ բան էր ասում, սակայն գործնականում այլ կերպ վարվեց և հարձակվեց Իրանի միջուկային օբյեկտների վրա:
«Մենք ենթարկվել ենք ռազմական ագրեսիայի և անսասան կերպով պաշտպանվել ենք։ Մենք միշտ հայտարարել ենք, որ պատրաստ ենք ներգրավվել և բանակցել միջազգային իրավունքի շրջանակներում, բայց տրամաբանությունն ընդունելու փոխարեն՝ մյուս կողմը պահանջեց իրանցի ժողովրդի կապիտուլյացիան։ Մեր ժողովուրդը երբեք չի հանձնվի ուժի և սպառնալիքի առջև և, բնական է, որ նրանք համապատասխանաբար կարձագանքեն ագրեսիային»,- ասել է Փեզեշքիանը։
