Իրանի խորհրդարանը որոշում ընդունեց․ ջրանցքը կփակվի
Իրանի խորհրդարանը որոշում է ընդունել փակել Հորմուզի ջրանցքը, վերջնական որոշումը պետք է հաստատի Իրանի ազգային անվտանգության խորհուրդը, հայտնել են խորհրդարանում։
Հորմուզի ջրանցքն ամբողջությամբ կփակվի, եթե Իրանի ինքնիշխանության դեմ ագրեսիան շարունակվի, հայտարարել է ԻՀՊԿ ռազմածովային ուժերի հրամանատար Ալիռեզա Թանգսիրին։
Իր հերթին Իրանի գերագույն առաջնորդի խորհրդական Շարիաթմադարին ընդգծել է, որ Թեհրանը պետք է որքան հնարավոր է շուտ փակի ջրանցքը ամերիկյան, բրիտանական, գերմանական և ֆրանսիական նավագնացության համար։
Հորմուզի ջրանցքը միացնում է Պարսից և Օմանի ծոցերը, հյուսիսում գտնվում է Իրանը, հարավում՝ Օմանը և ԱՄԷ-ն։
