Իրանի գերագույն առաջնորդի ճակատագրի հարցը պետք է որոշի Իսրայելը․ Վենս
ԱՄՆ փոխնախագահ Ջեյ Դի Վենսը հայտարարել է, որ Իրանի գերագույն առաջնորդ Ալի Խամենեիի ճակատագրի հարցը «պետք է որոշի Իսրայելը»։
Միևնույն ժամանակ Վենսը պնդում է, որ Վաշինգտոնը «չի ձգտում» Իրանում իշխանափոխություն անել։
Ավելի վաղ ԱՄՆ նախագահ Դոնալդ Թրամփը հայտարարել էր, որ այս պահին չի պատրաստվում վերացնել Խամենեիին։ Սակայն, նա հեշտ թիրախ է, և ԱՄՆ-ն տեղեկություն ունի նրա գտնվելու վայրի վերաբերյալ։
Նաև հայտնի է դարձել, որ Ալի Խամենեին արդեն ընտրել է իր երեք հնարավոր հաջորդներին, եթե իր հետ ինչ-որ բան պատահի։
