Զախարովան պատասխանել է Ուկրաինայի արտգործնախարարի հայտարարությանը
Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան մեկնաբանել է Ուկրաինայի արտաքին գործերի նախարարության ղեկավար Անդրեյ Սիբիգայի դժգոհությունը Ռուսաստանի օրվա կապակցությամբ համաշխարհային առաջնորդների շնորհավորանքներից: Իր տելեգրամ ալիքում նա գրել է, որ ողջամիտ մարդը ավելի շատ կվրդովվի, որ իր նախագահը թույլ չի տալիս ուկրաինացիների մարմինները տանել թաղման համար։
«Նորմալ մարդը կասեր, որ իր համար «հատկապես տհաճ» էր տեսնել, թե ինչպես է իր տերը արգելում սառնարանային բեռնատարներով ուկրաինացիների մարմինները տանել պատշաճ թաղման համար: Բայց ոչ: Ուրիշի ուրախությունն ավելի շատ վշտացնում է, քան սեփական վիշտը: Գոգոլը, իհարկե, հանճար էր. նա ամեն ինչ նկարագրել է», - գրել է Զախարովան։
Ավելի վաղ Ուկրաինայի արտաքին գործերի նախարար Անդրեյ Սիբիգան դժգոհություն էր հայտնել այն փաստի կապակցությամբ, որ Միացյալ Նահանգները և այլ երկրներ շնորհավորել են Ռուսաստանին Ռուսաստանի օրվա կապակցությամբ:
