Ֆրանցիսկոսի «պապոմոբիլը»՝ Գազայի երեխաների համար որպես շարժական բուժկետ
Ֆրանցիսկոս Պապի նախկին պապոմոբիլը, որը երկար տարիներ ծառայել է որպես խաղաղության խորհրդանիշ, շուտով կվերածվի շարժական բժշկական բուժկետի՝ նախատեսված Գազայի հատվածում երեխաների բուժօգնության համար։
Այս մարդասիրական նախաձեռնությունը, որին Պապը համաձայնություն էր տվել դեռևս իր մահից մի քանի ամիս առաջ, այժմ կյանքի է կոչվում Վատիկանի և բարեգործական կառույցների համագործակցությամբ։ Խոսքը գնում է Mitsubishi մակնիշի մեքենայի մասին, որը Ֆրանցիսկոսին նվիրել էր Պաղեստինի առաջնորդ Մահմուդ Աբասը դեռևս 2014 թվականին։ Այն ժամանակ մեքենայի հատուկ նպատակը Բեթղեհեմ այց կատարելն էր։ Ներկայումս նույն մեքենան ենթարկվում է նոր վերազինման, որպեսզի հնարավոր լինի այն օգտագործել որպես լիարժեք շարժական բուժկետ։
Մեքենայում կտեղադրվեն պայթյուններից պաշտպանվող պատուհաններ, իսկ ներսում կաշխատի բժշկական անձնակազմը՝ ապահովելով հիմնական բժշկական օգնություն պատերազմի պայմաններում ապրող երեխաներին։
Պլանավորվում է, որ վերափոխման աշխատանքները կտևեն մոտ երեք շաբաթ։ Նախաձեռնության նպատակն է բարելավել երեխաների առողջապահական հասանելիությունն այն վայրերում, որտեղ առողջապահական համակարգը ճգնաժամի մեջ է։
