16:00 Լուրերը մեկ տողով. Վեհափառի շուրջ ստեղծված իրավիճակը. ՊԵԿ-ի խոշոր բացահայտում

Անցած ժամվա լուրերը՝ հակիրճ և բովանդակային.

•Գարեգին Երկրորդը դեռևս հրավեր չի ստացել մասնակցելու Ազգային ժողովի 9-րդ գումարման առաջին նիստին, որը նախատեսված է օգոստոսի 2-ին:

•ԱԺ պատգամավոր Արամ Վարդևանյանը հայտարարել է, որ Նարեկ Կարապետյանին առաջադրված մեղադրանքն անհիմն է, իսկ կիրառված խափանման միջոցները բողոքարկվելու են:

•ՊԵԿ-ը բացահայտել է խանութների ցանցի կողմից 619 միլիոն դրամի ստվերային շրջանառություն և 340 միլիոն դրամի աշխատավարձերի թերհայտարարագրում, ինչի առթիվ հարուցվել է քրեական վարույթ:

•Կառավարության որոշմամբ երկարաձգվել են մանկատան շրջանավարտներին բնակարանների գնման վկայագրերի տրամադրման ժամկետները, իսկ աջակցության գումարն ավելացվել է մինչև 8.7 միլիոն դրամ:

•Կառավարությունը որոշել է էլեկտրոնային աճուրդով օտարել Երևանի Հալաբյան փողոցում գտնվող պետական անշարժ գույքը՝ 315.8 միլիոն դրամ մեկնարկային գնով:

•Իսպանիայի արևելքում սաստիկ շոգի պատճառով հայտարարվել է եղանակային վտանգի առավելագույն կարմիր մակարդակ, որտեղ ջերմաստիճանը կարող է գերազանցել 44 աստիճանը:

•Ֆրանսիայի Ժիրոնդ դեպարտամենտում անտառային խոշոր հրդեհը ընդգրկել է 2 հազար հեկտար տարածք, ինչի պատճառով տարհանվել է շուրջ 12 հազար մարդ: