Նոր տեղեկություններ՝ Հռոմի Ֆրանցիսկոս պապի առողջական վիճակի մասին
Երկկողմանի թոքաբորբով տառապող Հռոմի Ֆրանցիսկոս պապը շարունակում է մնալ ծայրահեղ ծանր վիճակում, թեև գիտակցության կորուստ չունի։ Սուրբ Աթոռի մամուլի ծառայության հաղորդագրության մեջ ասվում է, որ 88-ամյա պոնտիֆիկոսի մոտ երիկամային անբավարարություն է սկսվել:
«Հռոմի պապի վիճակը շարունակում է մնալ ծայրահեղ ծանր, թեև նա չի ունեցել շնչառական նոպայի կրկնություն, ինչպես նախորդ օրը: Արյան որոշ անալիզներ ցույց են տալիս նախնական թեթև երիկամային անբավարարություն, որն այժմ վերահսկվում է: Քթի խողովակների միջոցով բարձր հոսքով թթվածնային թերապիան շարունակվում է»,- ասվում է հայտարարության մեջ:
