150-ը՝ 150-ի դիմաց․ Ռուսաստանը և Ուկրաինան ռազմագերիներ են փոխանակել
Ռուսաստանի Դաշնության պաշտպանության նախարարությունից հայտնում են, որ Կիևի ռեժիմի վերահսկողության տակ գտնվող տարածքից բանակցային գործընթացի արդյունքում 150 ռուս զինծառայող է վերադարձվել: Փոխարենը փոխանցվել Է Ուկրաինայի Զինված ուժերի 150 ռազմագերի։
Այժմ բոլոր ռուս զինծառայողները գտնվում են Բելառուսի Հանրապետության տարածքում, որտեղ նրանց ցուցաբերվում է անհրաժեշտ հոգեբանական և բժշկական օգնություն, ինչպես նաև հնարավորություն է ընձեռվում կապ հաստատել հարազատների հետ:
Փոխանակումը տեղի է ունեցել Արաբական Միացյալ Էմիրությունների միջնորդությամբ:
