Հյուսիսային Կորեայում հրամայել են լիարժեք պատրաստության բերել հրետանին
Կորեայի ժողովրդական բանակի գլխավոր շտաբը հրաման է տվել լիարժեք պատրաստության բերել սահմանային գծի մոտ գտնվող հրետանային միավորումները:
Այս մասին հայտնել Է Կորեայի կենտրոնական հեռագրական գործակալությունը։ Տեղեկատվությունը փոխանցում է ՏԱՍՍ-ը:
Նրա տվյալներով՝ Հյուսիային Կորեայի պաշտպանության նախարարության ներկայացուցիչը հրապարակել է Գլխավոր շտաբի օպերատիվ հրամանը, որի համաձայն՝ սահմանային գծի մոտ գտնվող հրետանային միավորումները եւ կարեւոր կրակային առաջադրանքի կատարման համար պատասխանատու զորամասերը պետք է լիարժեք պատրաստ լինեն հրաձգությանը:
