«Սա վերջը չէ». Հալևի
Իսրայելի պաշտպանության բանակը կանգ չի առնի լիբանանյան շիական «Հեզբոլլահ» շարժման առաջնորդ Հասան Նասրալլայի ոչնչացումից հետո, այն ավելի շատ գործիքներ ունի: Նման հայտարարությամբ է հանդես եկել գլխավոր շտաբի պետ Հերցի Հալևին։ Տեղեկությունը հայտնում է ՏԱՍՍ-ը:
«Սա վերջը չէ, դա պետք է շատ պարզ լինի։ Կան ավելի շատ գործիքներ առաջ շարժվելու համար», - հայտարարել է Հալևին ։ Նրա հայտարարությունները տարածել է բանակի մամուլի ծառայությունը։
«Գաղափարը պարզ է. ով էլ սպառնա Իսրայելի քաղաքացիներին, մենք կիմանանք, թե ինչպես հասնել նրանց։ Հյուսիսում, հարավում, նույնիսկ ավելի հեռավոր վայրերում», - պարզաբանել է գլխավոր շտաբի պետը։ «Մենք այժմ անցնում ենք հաջորդ սուր գործողությունների նախապատրաստմանը», - շարունակել է նա:
Գլխավոր շտաբի պետը նաև հայտարարել է, որ ընդգծում է իսրայելցի զինվորականների առավելագույն պատրաստվածությունը բոլոր ուղղություններով:
«Բոլոր ստորաբաժանումները պետք է ունենան շատ լավ համակարգում և շատ բարձր պատրաստվածություն», - ավելացրեց նա:
