ՏԵՍԱՆՅՈՒԹ. Լեհաստանում ուժգին հեղեղումների հետևանքով զոհեր կան

Լեհաստանի արևմտյան հատվածում տեղի ունեցած ջրհեղեղն արդեն երկու մարդու կյանք է խլել։ Երկրորդ զոհը հայտնաբերվել է Լեհաստանի Սիլեզիայի վոյևոդության Բյելսկո-Բիալա քաղաքի ջրային հոսքի մեջ։ Այս մասին հայտնում է Rmf24.pl-ը:

Ինչպես նշում է հրատարակությունը, տղամարդու դին հայտնաբերվել է ջրառի մեջ, ոստիկանությունը պարզում է ողբերգական դեպքի հանգամանքները։

Իրավիճակը Հարավային Լեհաստանում, մասնավորապես, Ստորին Սիլեզիայի և Օպոլի վոյևոդություններում, շատ բարդ է։ Ջրի տակ են հայտնվել բազմաթիվ համայնքներ, որոնցից մի քանիսը, օրինակ՝ Սթրոն Շելսկեն, որտեղ ապրում է 600 մարդ, մնում են աշխարհից կտրված։