ՏԵՍԱՆՅՈՒԹ. Ուժգին հրդեհ՝ Ֆիլադելֆիայում. բազմահարկ պահեստում բռնկված հրդեհի հետևանքով ավտոմեքենաներ են պայթել

Խոշոր հրհեհ է բռնկվել ամերիկյան Ֆիլադելֆիա նահանգում: Ինչպես նշում է AP-ն՝ ուժգին հրդեհը սև, թանձր ծուխ է ձևավորել երկնքում, ինչը տեսանելի է եղել մի քանի կիլոմետրից: 

Հրդեհը բռնկվել է 4 հարկանի պահեստ, որը գտնվում է Ֆիլադելֆիա նահանգի Ֆրանկֆորդ բնակելի շրջանում: Նշվում է, որ պահեստի հետնամասում գործում է ավտոտեխսպասարկման կետ: 

Տուժածներ չկան, սակայն մոտակա մի քանի տներ տարհանվել են որպես նախազգուշական միջոց, իսկ մյուս բնակիչներին ասվել է, որ մնան տանը և փակ պահեն պատուհանները: Մոտ 150 հրշեջ պայքարել է կրակի դեմ, որը հասցրել է այրել մի քանի ծառ և, ըստ երևույթին, մի քանի մեքենաների պայթեցման պատճառ դարձել: Կրակը հնարավոր է եղել հսկողության տակ առնել բռնկումից միայն 3 ժամ անց: