Իսրայելի պատասխան հարվածները Լիբանանին կարող են ապակայունացնել իրավիճակն ամբողջ Մերձավոր Արևելքում
Իսրայելի պատասխան հարվածները Լիբանանի տարածքին կարող են ապակայունացնել իրավիճակը ողջ Մերձավոր Արևելքում։ Նման նախազգուշացմամբ է հանդես եկել Նորվեգիայի ԱԳ նախարար Էսպեն Բարտ Էյդեն, որի հայտարարությունը տարածել է նրա գերատեսչությունը:
«Վերջին 24 ժամը կրկին ցույց տվեց, թե որքան փխրուն և լուրջ է իրավիճակը Մերձավոր Արևելքում։ Ես խորապես մտահոգված եմ տարածաշրջանում տեղի ունեցող զարգացումներով։ Իսրայելի և «Հեզբոլլահի» միջև հակամարտության սրումը կարող է շրջադարձային լինել հակամարտության մեջ«, - նշել է նախարարը։ «Այժմ էսկալացիան կամ պատասխան հարվածները կարող են հետեւանքներ ունենալ ամբողջ Մերձավոր Արեւելքում անվտանգության ոլորտի իրավիճակի համար», - հավելել է նա՝ կոչ անելով դիմակայության բոլոր մասնակիցներին, տարածաշրջանի երկրների առաջնորդներին, ինչպես նաեւ Իսրայելի եւ «Հեզբոլլահ»- ի դաշնակիցներին անել հնարավոր ամեն ինչ՝ զսպվածություն ցուցաբերելու եւ իրավիճակը տարածաշրջանային խոշոր պատերազմի վերաճելուց խուսափելու համար:
Էյդեն ընդգծել է, որ «առաջնային և գլխավոր» խնդիրը Գազայի հատվածում դիմակայության անհապաղ դադարեցումն ու հրադադարի ռեժիմի հաստատումն է:
«Իսրայելի և ՀԱՄԱՍ-ի միջև հրադադարը կօգնի նվազեցնել լարվածությունը ողջ տարածաշրջանում։ Կրկնում եմ բոլոր կողմերին ուղղված կոչը՝ ցուցաբերել պատասխանատվություն, նպաստել լարվածության նվազեցմանը և ցուցաբերել հնարավորինս զսպվածություն», - ասված է հայտարարության մեջ:
