Զելենսկին այցելել է Կուրսկի շրջանի մոտ գտնվող սահմանամերձ գոտի

Ուկրաինայի նախագահ Վլադիմիր Զելենսկին այցելել է Սումիի մարզի սահմանամերձ շրջան, որի կողմից հարձակում է ընթանում Կուրսկի շրջանի գյուղերի վրա: Այս մասին հայտնում է ուկրաինական «Страна» պարբերականը Telegram ալիքում։

Զելենսկին նաև հանդիպում է անցկացրել Ուկրաինայի զինված ուժերի գլխավոր հրամանատար Ալեքսանդր Սիրսկու և տարածաշրջանային ռազմական վարչակազմի ղեկավարի հետ: Միջոցառմանը մասնակցել է նաև նախագահի գրասենյակի ղեկավար Անդրեյ Երմակը:

Զելենսկին նշել է, որ Կուրսկի գործողությունից հետո նվազել են ռուսական կողմից Սումիի մարզի ուղղությամբ հրետակոծությունները և խաղաղ բնակիչների զոհվելու դեպքերը։