Կանադայի պաշտպանության շտաբն առաջին անգամ կին կգլխավորի
Գեներալ-լեյտենանտ Ջենի Քարինան (Jenny Carignan) կդառնա Կանադայի պաշտպանության շտաբի պետի պաշտոնում նշանակված առաջին կինը։ Այս մասին հայտնել է Կանադայի վարչապետ Ջասթին Թրյուդոյի մամուլի ծառայությունը։
Գեներալ-լեյտենանտը կստանա նաև բանակի գեներալի կոչում:
Քարինանն առաջին կինն է, որը գլխավորելու է Կանադայի զինված ուժերը։ Նա վերջին 35 տարվա ընթացքում զբաղեցրել է տարբեր պաշտոններ զինված ուժերում, այդ թվում՝ Աֆղանստանում, Բոսնիա և Հերցեգովինայում ու Սիրիայում: 2008 թվականին նա դարձել է Կանադայի զինված ուժերի մարտական ստորաբաժանումը ղեկավարած առաջին կինը:
