ԼՈՒՍԱՆԿԱՐՆԵՐ․ Երևանում հրդեհվել է տիկտոկեր «Լևոն Արքա»-ի ավտոմեքենան
Հունիսի 3-ին, ժամը 04:01-ին Ճգնաժամային կառավարման ազգային կենտրոն ահազանգ է ստացվել, որ Երևանի Լվովյան փողոցի թիվ 11 շենքի բակում ավտոմեքենա է այրվում։
Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:
Հրդեհը մեկուսացվել է ժամը 04։13-ին, մարվել՝ 04։18-ին։ Այրվել է «Renault» մակնիշի ավտոմեքենան (վարորդ՝ Լ. Հ.)։
Ինչպես հայտնում է shamshyan.com-ը, պարզվել է, որ հրդեհ է բռնկվել Երևանի բնակիչ 60–ամյա Լևոն Մինասյանին պատկանող «Renault logan» մակնիշի ավտոմեքենայում: Թե ինչն է եղել հրդեհի պատճառը, պարզվում է, սակայն կան կասկածներ, որ ավտոմեքենան միտումնավոր այրել են: Կայքի տեղեկություններով՝ տուժած Լ. Մինասյանը հանրությանը հայտնի տիկտոկեր է, ում ավելի շատ կոչում են «Լևոն Արքա»:
