ՏԵՍԱՆՅՈՒԹ․ ԱԹՍ-ներով հարձակում՝ ՌԴ-ում․ կան տուժածներ․ բռնկվել է խոշոր հրդեհ

Այսօր Բելգորոդի մարզը ենթարկվել է անօդաչու թռչող սարքերի հարձակման։ Այս պահին հայտնի է երեք հարձակման մասին, հայտնում է շրջանի նահանգապետ Վյաչեսլավ Գլադկովը:

Նահանգապետ Վյաչեսլավ Գլադկովը հայտնել է, որ FPV դրոնի առաջին հարձակման ժամանակ Ուկրաինայի զինված ուժերի անօդաչու թռչող սարքը հարվածել է քաղաքացիական ավտոբուսին Շեբեկինսկի շրջանի Վոզնեսենովկա գյուղում: Ավտոբուսն աշխատանքի էր տանում կոմերցիոն ձեռնարկության աշխատակիցներին։

Հարվածի պահին դրանում եղել են երկու ուղևորներ և վարորդը, նրանցից մեկը տուժել է։ Նա ինքնուրույն դիմել է Շեբեկինի կենտրոնական հիվանդանոց, որտեղ նրան ցուցաբերվում է անհրաժեշտ բժշկական օգնություն։

Երկրորդ հարձակման ժամանակ, Գլադկովի տեղեկություններով, կամիկաձե դրոնը հարվածել է կոմերցիոն օբյեկտի մոտ գտնվող մեքենային։ Մեկ տղամարդ ստացել է մեջքի, վերին և ստորին վերջույթների բեկորային վնասվածքներ։

Երրորդ կամիկաձե դրոնը հարվածել է Շեբեկինո քաղաքի բենզալցակայանին, հայտարարել է Գլադկովը։ Այրվել է գազի պահեստային բաքը։ Բենզալցակայանի աշխատակցուհին չի տուժել։