Բելգորոդում բնակելի կառույցի շքամուտքի փլուզման հետևանքով 9 մարդ Է տուժել, իրականացվում է բնակիչների տարհանում։ Այս մասին հայտնում են ռուսական լրատվամիջոցները՝ հղում անելով արտակարգ ծառայություններին:

Ավելի վաղ նահանգապետ Վյաչեսլավ Գլադկովը հայտնել էր, որ Բելգորոդ քաղաքը և Բելգորոդի շրջանը զանգվածային գնդակոծության են ենթարկվել Ուկրաինայի զինված ուժերի կողմից: Բնակելի շենքի վրա արկի ուղիղ հարվածի հետևանքով փլուզվել է 10–րդ մինչև առաջին հարկ ընկած ամբողջ հատվածը։

Փրկարարներն աշխատում են բազմահարկ շենքի փլուզված հատվածի վայրում:

Ավելի վաղ հայտնել էինք, որ Բելգորոդում հրթիռը մխրճվել է բնակելի շենքի մեջ. փլուզվել է բազմահարկ շենքի մուտքերից մեկը: