Հրթիռային հարված է հասցվել Օդեսայում Զելենսկու ավտոշարասյան ուղղությամբ․«Prototema»

Ռուսաստանը հրթիռային հարված է հասցրել Օդեսայում Ուկրաինայի նախագահ Վլադիմիր Զելենսկու ավտոշարասյան ուղղությամբ՝ Հունաստանի վարչապետ Կիրյակոսի հետ հանդիպումից առաջ։ Այս մասին հայտնում է հունական «Prototema» թերթը։ Դա տեղի է ունեցել մարտի 6-ին Հունաստանի վարչապետ Կիրիակոս Միցոտակիսի քաղաք կատարած այցի ժամանակ:

Թերթը հղում է անում Հունաստանի կառավարության անանուն աղբյուրներին։ Նշվում է, որ հարվածը հասցվել է այն ժամանակ, երբ Զելենսկու ավտոշարասյունը գտնվել է հունական պատվիրակության կողքին: Հրապարակման մեջ ասվում է, որ Հունաստանի պատվիրակությունից ոչ ոք չի տուժել։ Կառավարությունում մեկնաբանել են միայն հույն պաշտոնյաների վիճակը։ 

Ուկրաինայի պաշտոնական գերատեսչությունները չեն մեկնաբանել տեղեկությունը։

Հիշեցնենք՝ ավելի վաղ հայտնել էինք, որ Օդեսայում պայթյուն է որոտացել։