Ուկրաինան ռազմական «անակնկալներ» է պատրաստել
ԱՄՆ-ը կարծում է, որ Ուկրաինան ռազմական «անակնկալներ» է պատրաստել Ռուսաստանի համար և սպասում է դրանց կիրառման արդյունքներին: Այս մասին ՌԻԱ Նովոստիի փոխանցմամբ հայտարարել Է ԱՄՆ պետքարտուղարության խոսնակ Մեթյու Միլլերը իր ամենշաբաթյա ասուլիսում՝ մեկնաբանելով Ուկրաինայի հաղթելու հնարավորությունն ու վերջին շրջանի ռազմական գործողությունները։
«Հավատում ենք, որ Ուկրաինան ունի իրատեսական ծրագիր մարտի դաշտում հաղթանակներ տանելու համար։ Մենք տեսել ենք, թե ինչպես են նրանք հաղթանակներ տանում մարտի դաշտում, վերջին անգամ Սև ծովում, որտեղ վերջին 24 ժամվա ընթացքում նրանք խորտակեցին մեկ այլ ռուսական նավ:
Այսպիսով, մենք հավատում ենք, որ նրանք որոշ անակնկալներ ունեն պահած։ Անհամբեր սպասում ենք արդյունքներին», - նշել է Միլլերը։
