Գերմանիան պատրաստվում է Ռուսաստանի հետ պատերազմի. Մեդվեդև

Բունդեսվերի սպաների միջև գաղտնալսված խոսակցությունը վկայում է այն մասին, որ Գերմանիան պատրաստվում է Ռուսաստանի հետ պատերազմի: Այս մասին հայտարարել է ՌԴ Անվտանգության խորհրդի փոխնախագահ Դմիտրի Մեդվեդևը Telegram-ի իր ալիքում։

«Բունդեսվերի սպաների խոսակցությունը որպես հրթիռների և տանկերի խաղ ներկայացնելու փորձերը չարամիտ սուտ են: Գերմանիան պատրաստվում է Ռուսաստանի հետ պատերազմի»,- գրել է քաղաքական գործիչը:

Ղրիմի ազգամիջյան առաքելության ղեկավար Զաուր Սմիրնովն էլ, մեկնաբանելով Բունդեսվերի զինվորականների միջև Ղրիմի կամրջին հարվածելու հնարավորության մասին խոսակցության գաղտնալսված ձայնագրությունը, «ՌԻԱ Նովոստի»-ին ասել է, որ Գերմանիան կրկին կարող է դառնալ Երրորդ համաշխարհային պատերազմի մեղավորը։

«Գերմանիան կարող է կրկին դառնալ Երրորդ համաշխարհային պատերազմի մեղավորը: Ինչպես Գերմանիան ժամանակին սանձազերծեց Առաջին և Երկրորդ համաշխարհային պատերազմները, Բեռլինի ներկայիս քաղաքականությունը նույնպես կարող է աշխարհը տանել դեպի գլոբալ ռազմական հակամարտություն», – ասել է Սմիրնովը:

Նրա խոսքով՝ գերմանացի բարձրաստիճան զինվորականների խոսակցությունը Ռուսաստանի դեմ հարվածների մասին հուշում է, որ Բունդեսվերի վերնախավը կրկին տարվել է «աշխարհի գերիշխանության մասին խելահեղ գաղափարներով»։

Նշենք, որ Գերմանիայի պաշտպանության նախարարությունը շաբաթ հաստատել է, որ գերմանացի բարձրաստիճան զինվորականների միջև ներքին խոսակցությունը Ղրիմի կամրջի վրա Taurus հրթիռների հնարավոր կիրառմամբ հարձակման ծրագրերի վերաբերյալ գաղտնալսվել է: