էրդողանը հաստատել է, որ ԱՄՆ-ն Անկարային F-16 կործանիչներ է վաճառելու

Թուրքիայի նախագահ Ռեջեփ Թայիփ Էրդողանը խոսել է Վաշինգտոնի հետ F-16 կործանիչների վաճառքի վերաբերյալ հաջող համաձայնագրի մասին։ Թուրքիայի ղեկավարն այս հայտարարությունն արել է Անկարայում իր նախագահությամբ տեղի ունեցած կառավարության նիստից հետո։ Հեռարձակումն իրականացվել է TRT Haber հեռուստաալիքով։

«Մենք ուրախ ենք, որ F-16-ի վերաբերյալ մեր խնդրանքը հանգեցրեց ԱՄՆ-ի դրական որոշմանը: Սահմանափակումների վերացումից հետո թուրքական պաշտպանական արդյունաբերությունն ավելի ինտենսիվ կզարգանա»,- ասել է Էրդողանը:

Ավելի վաղ ԱՄՆ-ը հայտարարել էր Թուրքիային F-16 կործանիչների մատակարարման հաստատման մասին։ Անկարան ինքնաթիռներ գնելու հայտ է ներկայացրել հունվարի 26-ին, որից հետո ԱՄՆ Կոնգրեսը շտապել է հաստատել թուրքական հայտը։ Ընդ որում, միայն հանրապետական ​​սենատոր Ռենդ Փոլը դեմ է արտահայտվել կործանիչների մատակարարմանը։