Կիևը դիմել է Ռուսաստանին՝ խնդրելով փոխանցել Բելգորոդի մարզում Ռուսական ԻԼ-76-ի կործանման հետևանքով զոհված գերիների մարմինները: Այս մասին հայտարարել է Ուկրաինայի պաշտպանության նախարարության հետախուզության գլխավոր վարչության ներկայացուցիչ Անդրեյ Յուսովը:

Նա պնդում է, որ Ռուսաստանն, դեռ պատասխան չի տվել։

Հիշեցնենք՝ Ուկրաինայի զինված ուժերը հունվարի 24-ին խոցել են ռուսական Իլ-76 ռազմատրանսպորտային ինքնաթիռը Բելգորոդի մարզի երկնքում, որով փոխանակման էին տանում 65 ուկրաինացի գերիների: Նրանք բոլորը, ինչպես նաև Ռուսաստանի ԶՈՒ երեք Ուղեկցող սպաներ և անձնակազմի վեց անդամներ զոհվել են։

Հավելենք, որ երեկ Ռուսաստանի Քննչական Կոմիտեն տեսանյութ էր տարածել և հայտնել, որ ՌԴ Բելգորոդի մերձակայքում ԻԼ-76-ը խոցվել է ամերիկյան Patriot համալիրից: