Իսրայելի վարչապետ Բենյամին Նեթանյահուն կիրակի օրը հայտարարել է, որ չի ընդունի Գազայում պահվող պատանդներին ազատ արձակելու դիմաց պատերազմը դադարեցնելու՝ ՀԱՄԱՍ-ի պահանջը:

Նեթանյահուն հայտարարել է, որ ՀԱՄԱՍ-ը պահանջել է դադարեցնել պատերազմը, ազատ արձակել պաղեստինցի բանտարկյալներին և իսրայելական զորքերը դուրս բերել Գազայից՝ պատանդներին ազատելու դիմաց: «Եթե մենք համաձայնենք դրան, մեր զինվորներն իզուր են զոհվել։ Եթե մենք համաձայնենք դրան, մենք չենք կարող երաշխավորել մեր քաղաքացիների անվտանգությունը»,-հայտարարել է վարչապետը։