Քանի ռուսական «Կինժալ» է խոցել Ուկրաինական ՀՕՊ-ը

Ռուսաստանը լայնամասշտաբ պատերազմի սկսվելուց ի վեր 63 «Կինժալ» աերոբալիստիկ հրթիռ է արձակել Ուկրաինայի ուղղությամբ։ Ուկրաինան խոցել է 25 նման հրթիռ։ Այս մասին հեռուստամարաթոնի եթերում ասել է Ուկրաինայի զինված ուժերի խոսնակ Յուրի Իգնատը։ Տեղեկությունը փոխանցում է unian.net-ը։

«Այժմ ունենք 63 գործարկված «Կինժալ»՝ լայնամասշտաբ ներխուժման սկզբից ի վեր։ Սա պաշտոնական տեղեկատվություն է։ 25-ոչնչացվել է մայիսի 4-ից: Հենց այդ ժամանակ մենք անցյալ տարվա գարնանից ստացանք Patriot-ը եւ հնարավորություն ստացանք ոչնչացնել աերոբալիստիկ հրթիռները»,- հայտարարել Է խոսնակը։

Իգնատը նաև մեկնաբանել է Կիևի վրա զանգվածային հրթիռային հարձակման ժամանակ նկարահանված տեսանյութը, որում թշնամու հրթիռներից մեկն ընկել է Դնեպր:

Նա նշել է, որ դեռևս չի հաստատվել, որ դա «Կինժալ» է եղել։

«Դա կարող էր լինել ամեն հնարավոև բան: Այդ պատճառով կարելի է ինչ-որ բան ասել տեսնելուց հետո»,- հավելել է նա։