Հյուսիսային Կորեան 200 արկ է արձակել Հարավային Կորեայի հետ ծովային սահմանի երկայնքով. բնակիչները տարհանվել են
Հյուսիսային Կորեան ավելի քան 200 հրետանային արկ է արձակել Հարավային Կորեայի հետ սահմանի մոտակայքում, ինչի հետևանքով Հարավկորեական երկու կղզիների բնակիչները տարհանվել են: Այս մասին հաղորդում է Yonhap լրատվական գործակալությունը՝ վկայակոչելով հարավկորեացի զինվորականներին:
Արկերը ընկել են Դեղին ծովում՝ այսպես կոչված Հյուսիսային սահմանազատման գծի տարածքում, որը երկու երկրների միջև փաստացի սահմանն է:
«Այսօր ժամը 09:00-ից մինչեւ 11:00-ն հյուսիսկորեացի զինվորականներն ավելի քան 200 կրակոց են արձակել չանսան-Գոթ շրջանում ՝ Պենենդո կղզու հյուսիսային հատվածում եւ Յոնփհենդո կղզու հյուսիսային շրջաններում: Սա սադրիչ գործողություն է, որը սպառնում Է Կորեական թերակղզու խաղաղությանը։ Հյուսիսային Կորեան լիակատար պատասխանատվություն է կրում ճգնաժամի այս սրման համար, եւ մենք կոչ ենք անում նրանց անհապաղ դադարեցնել այդ գործողությունները»,- ասվում է Հարավային Կորեայի պաշտպանության նախարարության հայտարարության մեջ:
