Անձնակազմի սղության պատճառով Մեծ Բրիտանիան շահագործումից կհանի Type 23 HMS Westminster և HMS Argyll ֆրեգատները։ Այս մասին հայտնում է Daily Telegraph թերթը՝ հղում անելով աղբյուրներին: Տեղեկությունը փոխանցում է ՏԱՍՍ-ը։

«Բրիտանական նավատորմն այնքան քիչ նավաստիներ ունի, որ ստիպված է լինում շահագործումից հանել երկու ռազմանավ՝ իր նոր դասի ֆրեգատները համալրելու համար»,- ասվում է նյութում:

Հստակեցվում է, որ ռազմածովային ուժերը հավաքագրման ամենավատ ցուցանիշներն ունեն գերատեսչության երեք ստորաբաժանումների մեջ։ Հոդվածում նշվում է նաև, որ նավերի անձնակազմերը կուղարկվեն 26 տիպի ֆրեգատների սպասարկման։