Հարավային Կորեայի զինված ուժերը զորավարժություններ են անցկացրել Դեղին ծովում՝ ի պատասխան Կորեայի Ժողովրդադեմոկրատական Հանրապետության (ԿԺԴՀ) կողմից Հարավային Կորեայի Յոնփհենդո եւ Պենենդո կղզիների մոտակայքում գտնվող ջրատարածքի գնդակոծության: Այս մասին հայտնում է տեղական Yonhap լրատվական գործակալությունը։ Տեղեկությունը փոխանցում է lenta.ru-ն:

Ինչպես հայտարարել Է Կորեայի Հանրապետության զինված ուժերի շտաբների պետերի կոմիտեն` սա առաջին դեպքն է 2018 թվականի սեպտեմբերի 19-ին միջկորեական ռազմական համաձայնագրի ստորագրումից հետո, երբ հյուսիս-արեւմտյան կղզիներում տեղակայված ծովային հետեւակի ստորաբաժանումները ծովային հրաձգության վարժանքներ են անցկացնում:

Ավելի վաղ հայտնի էր դարձել, որ Հարավային Կորեան հայտարարել է Դեղին ծովում Ենպհենդո կղզուց տարհանում՝ ԿԺԴՀ-ի կողմից սադրանքի պատճառով:

Այսօր Հյուսիսային Կորեայի զինվորականները երկու ժամվա ընթացքում Հարավային Կորեայի Պենենդո եւ Յոնպհենդո կղզիների շրջանում առափնյա հրետանու ավելի քան 200 կրակոց են արձակել: Հարավկորեական կողմից վնաս չի արձանագրվել։ Արկերը ընկել են Հյուսիսային Կորեայի տարածքում։