«Տեղն արդեն պատրաստ է»․ Հռոմի Պապը հանդիպել է իր թաղման արարողության կազմակերպիչների հետ
Հռոմի Պապ Ֆրանցիսկոսը ցանկանում է, որ երբ մահանա, իրեն թաղեն Սանտա Մարիա Մաջիորե տաճարում՝ Հռոմի չորս գլխավոր տաճարներից մեկում։ Այս մասին նա հայտարարել է մեքսիկական N+ հեռուստաալիքին տված հարցազրույցում։
«Տեղն արդեն պատրաստ է, ես ուզում եմ թաղվել Սանտա Մարիա Մաջիորեում: Այո, քանի որ ես շատ նվիրված եմ այս վայրին, ես միշտ գնացել եմ այնտեղ: Շատ ամուր կապ կա», - ասել է Պապը:
Նա նաև հավելել է․ «Ես արդեն հանդիպել եմ թաղման արարողության կազմակերպիչների հետ»։
