Երևանի փողոցներից մեկում կտեղադրվի նոր տեսախցիկ. ՃՈ

Երևան քաղաքի Հերացու փողոցում, ընդհանուր օգտագործման տրանսպորտային միջոցների համար նախատեսված գոտում, երթևեկության կանոնների խախտումներն արձանագրելու նպատակով, «Ոստիկանության մասին» ՀՀ օրենքի 22-րդ հոդվածով սահմանված կարգով, այլ վայրից տեղափոխվել և տեղադրվել է տեսանկարահանող սարք։ Այս մասին տեղեկացնում է Ճանապարհային ոստիկանությունը։

Հաղորդվում է, որ տեսանկարահանող սարքը գործարկվելու է 2023 թ. դեկտեմբերի 18-ից։

Ճանապարհային ոստիկանությունը հորդորում է վարորդներին պահպանել ճանապարհային երթևեկության կանոնները: