Իսրայելն ավիահարվածներ է հասցնում Գազայի ուղղությամբ

Իսրայելի օդուժը այժմ հարվածներ է հասցնում Գազայի հատվածում ՀԱՄԱՍ-ի օբյեկտներին: Այս մասին Իսրայելի պաշտպանության բանակը հայտնել է իր Telegram-ում։

«ՑԱԽԱԼ-ի մարտիկները ներկայումս հարվածներ են հասցնում ՀԱՄԱՍ-ի ահաբեկիչների թիրախներին Գազայի հատվածում»,- ասվում է իսրայելական բանակի հայտարարության մեջ։

Հայտնի է նաև, որ Իսրայելական հրետանին հարվածներ է հասցրել Եգիպտոսի հետ սահմանին գտնվող Ռաֆահ քաղաքի արևելքում գտնվող թիրախներին։ Այս մասին էլ ՌԻԱ Նովոստիին պատմել են ականատեսները։

Ավելի վաղ Իսրայելի պաշտպանական բանակը՝ ՑԱԽԱԼ-ը հայտարարել է ռազմական գործողությունների վերսկսման մասին։ Տարածած հայտարարության մեջ ՑԱԽԱԼ-ը ՀԱՄԱՍ-ին մեղադրել է մարտերում «օպերատիվ դադարի» պայմանները խախտելու և իսրայելական տարածքը գնդակոծելու մեջ: