Գազայում հրադադարն ավարտվեց․ ինչ է սպասվում
Գազայում հրադադարն ավարտվեց: Իսրայելի և ՀԱՄԱՍ-ի միջև հրադադարը, որն ուժի մեջ է եղել նոյեմբերի 24-ից և երկարաձգվել երկու անգամ՝ համապատասխանաբար նոյեմբերի 27-ին և 29-ին, ավարտվել է Երևանի ժամանակով ժամը 9:00-ին։
Իսրայելի պաշտպանական բանակը՝ ՑԱԽԱԼ-ը հայտարարել է ռազմական գործողությունների վերսկսման մասին։ Տարածած հայտարարության մեջ ՑԱԽԱԼ-ը ՀԱՄԱՍ-ին մեղադրել է մարտերում «օպերատիվ դադարի» պայմանները խախտելու և իսրայելական տարածքը գնդակոծելու մեջ:
«Իսրայելի պաշտպանության բանակը վերսկսել է ռազմական գործողությունները Գազայի հատվածում ՀԱՄԱՍ ահաբեկչական կազմակերպության դեմ»,– ասված է հայտարարության մեջ:
Ավելի վաղ ամերիկյան ԶԼՄ-ները հայտնել էին, որ Իսրայելն ու ՀԱՄԱՍ-ը համաձայնել են ևս մեկ օրով երկարաձգել հրադադարը: Նշվում էր, որ կողմերը պայմանավորվել են ևս 10 պատանդի ազատ արձակել։
