Արաբական ծովում իսրայելական նավը գնդակոծության է ենթարկվել․ ԶԼՄ
Իսրայելին պատկանող նավը Արաբական ծովում գնդակոծության է ենթարկվել։ Այս մասին հայտնում է լիբանանյան Al Mayadeen հեռուստաալիքը՝ հղում անելով աղբյուրներին, փոխանցում է ՌԻԱ Նովոստին։
«Al Mayadeen-ի աղբյուրները հաստատում են, որ Արաբական ծովում հարձակվել է իսրայելական նավի վրա։ Նավի վրա կրակ են բացել, ինչի հետևանքով այն բռնկվել է», - հաղորդում է լիբանանյան հեռուստաալիքը՝ չհայտնելով այլ մանրամասներ։
Հեռուստաալիքի աղբյուրի տվյալներով՝ նավը հարձակման է ենթարկվել Արաբական ծովում հինգշաբթի լույս ուրբաթ գիշերը, այսինքն՝ Գազայի հատվածում զինադադարի ուժի մեջ մտնելուց մի քանի ժամ առաջ։
