«Խախտելով կանոնները, կարող եմ ասել, որ Պուտինը ՌԴ-ում մրցակիցներ չունի և չի կարող ունենալ»․ Պեսկով

ՌԴ նախագահի մամուլի քարտուղար Դմիտրի Պեսկովը կարծում է, որ այս պահին պետության ղեկավար Վլադիմիր Պուտինը Ռուսաստանում «մրցակիցներ չունի և չի կարող ունենալ»։ Այս մասին գրում է rbc.ru-ն:

«Մենք բազմիցս ասել ենք, որ նախագահ Պուտինը, իհարկե, քաղաքական գործիչ է, մեր երկրի թիվ մեկ պետական գործիչը։ Եվ իմ անձնական կարծիքը, թեև ես իրավունք չունեմ դա ասելու, բայց, խախտելով կանոնները, կարող եմ ասել, որ այս պահին նա Ռուսաստանի Դաշնությունում չունի մրցակիցներ և չի կարող ունենալ»,- լրագրողներին ասել է Պեսկովը: 

Ավելի վաղ նախագահի մամուլի քարտուղարը նշել էր, որ եթե Պուտինը գնա քվեարկության, ապա ոչ ոք չի կարողանա մրցել նրա հետ։ «Պուտինը դեռ չի հայտարարել, որ կառաջադրի իրեն, բայց եթե նա առաջադրվի, ոչ ոք չի կարողանա մրցել նրա հետ», - սեպտեմբերին ասել էր Պեսկովը։