Խոշոր ավտովթար` Սյունիքում. բախվել են Mercedes-ն ու «VAZ»-ը. կա տուժած

Սեպտեմբերի 9-ին, ժամը 16։09-ին Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Շինուհայր գյուղի խաչմերուկի մոտակայքում տեղի է ունեցել ՃՏՊ: Այս մասին հայտնում է ՀՀ ՆԳՆ փրկարար ծառայությունը: 

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ Գորիս-Սիսիան ավտոճանապարհի 9-րդ կմ-ին բախվել են «Mercedes-Benz» (վարորդ՝ Լ․Մ․) և «VAZ» (վարորդ՝ Հ․ Ս․, ծնված 1949 թ․) մակնիշների ավտոմեքենաները:

Մինչ փրկարաների կանչի վայր հասնելը՝ տուժած Հ․ Ս․-ն հոսպիտալացվել է բժշկական կենտրոն, որտեղ բժիշկները տուժածի առողջական վիճակը գնահատել են բավարար։

Փրկարարները հոսանքազրկել են ավտոմեքենաները և փակել գազի բալոնների փականները:

[7cebbea7d547cb58805f0e645073e11c.jpg]

[0239e00b57514947e69e55a63b32f3ab.jpg]