Զբոսաշրջային ավտոբուսի և մեքենայի բախման հետևանքով Հունաստանում 4 մարդ է մահացել, 23-ը` վիրավորվել
Չորս մարդ, այդ թվում՝ մեկ ռուս, զոհվել է, ևս 23-ը վիրավորվել են Հունաստանի հյուսիսում գտնվող Կիլկիս քաղաքի մոտակայքում գտնվող մայրուղու վրա զբոսաշրջային ավտոբուսի և մեքենայի բախման հետևանքով։ Այս մասին գրում է Moskva 24-ը:
Նշվում է, որ սերբական պետհամարանիշներով ավտոբուսը տեղափոխել է 81 մարդ, 23 ուղևոր ստացել է թեթև վնասվածքներ և հոսպիտալացվել։ Երեք մահացածները եղել են հունական պետհամարանիշներով վրաերթի ենթարկված ավտոմեքենայում։
Իրավապահների տվյալներով՝ տուժածներից մեկը տեղափոխվել է հիվանդանոց, սակայն նա ստացած վնասվածքներից մահացել է։ Մահացածները տղամարդիկ են՝ երեք հույն և մեկ ռուս։
Հստակեցվում է, որ տուժածների կյանքին վտանգ չի սպառնում։ Վթարի պատճառները հետաքննվում են։
