Պրիգոժինի բիզնես-ջեթի վթարի հետևանքով զոհվածների մարմինները տեղափոխվել են Տվերի դիահերձարան

Վագներ մասնավոր ռազմական ընկերության (PMC) հիմնադիր Եվգենի Պրիգոժինին պատկանող Embraer բիզնես-ջեթի կործանման հետեւանքով զոհվածների մարմինները տեղափոխվել են Տվերի մարզի դիահերձարան։ Այս մասին հայտնում է REN TV-ն։

Նշվում է, որ այնտեղ մահացածների դիերի դատաբժշկական փորձաքննություն կիրականացվի։

Օգոստոսի 23-ի երեկոյան Տվերի մարզի Կուժենկինո գյուղի մոտակայքում վթարի է ենթարկվել Embraer Legacy մասնավոր ինքնաթիռը։ Նա չվերթ է կատարել Մոսկվա-Սանկտ Պետերբուրգ։ Ինքնաթիռում եղել է 10 մարդ, որոնցից երեքը՝ անձնակազմի անդամներ։ Ըստ նախնական տեղեկությունների՝ նրանք բոլորը մահացել են։

Օդային տրանսպորտի դաշնային գործակալությունը հայտնել է, որ գործարար Եվգենի Պրիգոժինը նշված է եղել որպես ինքնաթիռի ուղևոր։