Կա վարկած, որ Պրիգոժինի ինքնաթիռում ռումբ է տեղադրված եղել

Տվերի մարզում Կուժենկինո գյուղի մոտակայքում վթարի ենթարկված ինքնաթիռում, որում գտնվել է Եվգենի Պրիգոժինը, կարող էր ռումբ տեղադրված լինել։ Այդ մասին գրում է Telegram-channel Shot-ը։

Քննիչների կարծիքով՝ ռումբը կարող էր լինել վայրէջքի սարքերի խցիկում, քանի որ հենց այնտեղ է, ըստ նախնական տվյալների` պայթյուն տեղի ունեցել։ Արդյունքում օդանավի թեւը պոկվել է, որն այնուհետեւ հարվածել է կայունացուցիչին։

«Դրա պատճառով բիզնես-ջեթը սկսել է կտրուկ բարձրանալ, այնուհետև ինքնաթիռի պոչը ընկել է: Պայթուցիկ ճնշվածությունից ինքնաթիռում գտնվող բոլորն ակնթարթորեն կորցրել են գիտակցությունը»,- ասվում է հրապարակման մեջ:

Նախնական տվյալներով՝ այս վարկածը հաստատվում է այն փաստով, որ օդանավի պոչի հատվածն ընկել է ֆյուզելաժից հինգ կիլոմետր հեռավորության վրա։ Առայժմ այս վարկածը ստուգվում է քննիչների կողմից։