«Լունա-25»–ը բախվել է Լուսնին ու կործանվել
«Լունա-25» միջմոլորակային ավտոմատ կայանն այլևս գոյություն չունի Լուսնի մակերեսին բախվելու հետևանքով, կիրակի հայտնել է «Ռոսկոսմոսը»։
Ինչպես հայտարարել են պետկորպորացիայում, «տիեզերանավի կորստի պատճառները պարզելու հարցերով կզբաղվի հատուկ ստեղծված միջգերատեսչական հանձնաժողովը»։
«Լունա-25» կայանի հետ կապն ընդհատվել էր նախօրեին, նշում է «Ռոսկոսմոսը»։
Ավելի վաղ հայտնել էինք, որ ժամանակակից Ռուսաստանի պատմության մեջ գրեթե 50 տարի անց «Լունա-25» կայանը «Վոստոչնի» տիեզերակայանից մեկնարկ է վերցրել դեպի Երկրի բնական արբանյակ՝ Լուսին:
