ՏԵՍԱՆՅՈՒԹ. Բեռնատարը մխրճվել է տների մեջ. 10 մարդ է զոհվել. Տաջիկստան

Տասը մարդ զոհվել է, ևս 14-ը վիրավորվել է նախորդ գիշեր Տաջիկստանի հարավում գտնվող Կուլյաբ քաղաքում վթարի հետևանքով. պատճառը եղել է բեռնատարի արգելակների խափանումը,  RIA Novosti-ին հայտնել է Արտակարգ իրավիճակների և քաղաքացիական պաշտպանության կոմիտեի խոսնակ Ումեդա Յուսուֆին։

Վթարը տեղի է ունեցել Դուշանբե-Կուլյաբ-Խորոգ մայրուղու վրա, Somoni շուկայի մոտ Dulan բեռնատարը բախվել է մի քանի ավտոմեքենաների, ապա` տներին։

«Տասը մարդ մահացել է, ևս 14-ը տարբեր ծանրության վնասվածքներ են ստացել և հոսպիտալացվել են քաղաքի հիվանդանոցում՝ նախորդ գիշեր Կուլյաբում տեղի ունեցած վթարի հետևանքով», – ասել է Յուսուֆին։

Փաստի առթիվ հարուցվել է քրեական գործ, կատարվում է նախաքննություն։ Տաջիկստանի նախագահ Էմոմալի Ռահմոնի անունից դեպքի վայր են մեկնել ՆԳՆ, ԵԽ, Առողջապահության նախարարության ղեկավարները, Խաթլոնի շրջանի նախագահը, պաշտոնատար այլ անձինք։