Կրեմլից մեկնաբանել են Շոյգուի այցը Հյուսիսային Կորեա
Ռուսաստանի նախագահի մամուլի քարտուղար Դմիտրի Պեսկովը հայտնել է, որ այժմ չի կարող գնահատել ՌԴ պաշտպանության նախարարության ղեկավար Սերգեյ Շոյգուի՝ ԿԺԴՀ կատարած այցի արդյունքները։ Այս մասին լրագրողների մասնակցությամբ ճեպազրույցի ժամանակ հայտարարեց Կրեմլի խոսնակը։
Պեսկովի խոսքով՝ այժմ անհնար է ճշգրիտ գնահատել Շոյգուի՝ Փհենյան կատարած այցի արդյունքները։ Նա նշել է, որ Շոյգուն արդեն զեկուցել է ՌԴ պետության ղեկավար Վլադիմիր Պուտինին ԿԺԴՀ կատարած իր այցի մասին։
«Իհարկե, նախարարն արդեն զեկույցներով հանդես է եկել։ Նման կարևոր այցերի մասին անմիջապես զեկուցվում է ղեկավարին»,- պարզաբանել է Պեսկովը:
